3. Харилцаа холбоо 💬

Хүмүүсийг мэдээлэл хүлээн авч байгаа байдлаас хамааран төсөөллийн буюу аливаа зүйлийг уншиж, харж сурдаг хүн /visual prospect/, auditory prospect буюу аливаа зүйлийг сонсож сурдаг хүн, kinesthetic prospect буюу биеэр өөрөө хийж сурдаг хүн  гэж 3 ангилдаг. Борлуулалтын мэргэжилтэн эдгээр 3-н төрлийн хүмүүсийг таниж мэдсэнээр тэдэнтэй харилцах арга барилыг олж авна.

Төсөөллийн буюу аливаа зүйлийг уншиж, харж сурдаг хүмүүсийн шинж чанарууд:

Энэ төрлийн хүмүүс нийт хүн амын 55%-ыг эзэлдэг.

Ерөнхийдөө:

• Тэд илүү эрч хүчтэй, хөдөлгөөнтэй байдаг.
• Тэд харж буй зүйлээрээ дэлхийтэй холбогддог.
• Өнгө тэдэнд хүчтэй нөлөөлдөг.
• Тэд хурдан ярьдаг бөгөөд тэвчээр багатай.
• Тэд зургаар төсөөлдөг.
• Тэд хурдан сэтгэдэг тул хурдтай мэдээлэл хүлээн авдаг.
• Тэд аль болох хурднаар их мэдээлэл авахыг хичээдэг.
• Тэд ямар нэг зүйл өөрийг нь таслахыг үзэн яддаг.
• Тэд илүү их анхаарал шаарддаг.
• Тэд гараа маш их ашигладаг.
• Тэд өөрсдийн мэдрэмжээ зураг болгон дурсдаг.
• Тэд өөрсдийгөө сайнаар эсвэл муугаар мэдэрч байгаа нь тэдний оюун санаанд байгаа дүр төрх гэж үздэг. Тэд богино хугацаанд ярьж, эцсийн дүнг асууж, үр дүндээ маш их анхаардаг.
• Тэд график,  өгөгдөлд дуртай.
• Тэд тэмдэглэл хөтөлдөггүй.
• Тэднийг тасалдуулах амаргүй.

Аливаа зүйлийг сонсож сурдаг хүний шинж чанарууд:

Энэ төрлийн хүмүүс нийт хүн амын  20%-ийг эзэлдэг. Ерөнхийдөө:

• Тэд тайван орчинд ажиллах хандлагатай байдаг.
• Тэд хүмүүстэй харилцах гайхалтай чадвартай.
• Тэд маргааны 2 талд туйлын нээлттэй байдаг.
• Тэд өөртэйгээ маш их ярьдаг бөгөөд ихэнхдээ уруулаа санамсаргүйгээр хөдөлгөдөг.
• Учир нь энэ төрлийн хүмүүс харилцан яриаг ашиглан туршлага хуримтлуулж өөртөө боловсруулалт хийдэг.
• Тэд ярианд давамгайлах хандлагатай байдаг.
• Заримдаа ямар нэг юм тайлбарлахдаа хэт их шахдаг.
• Бусад хүмүүсийн бага анзаардаг арын чимээ нь энэ төрлийн хүмүүст таагүй байдал үүсгэдэг.
• Тэд үг үсгэнд дуртай.
• Тэдэнд юу хийх гэж байгаагаа хэл.
• Тэд ерөнхийдөө ярьж байгаа хурдаараа мэдээллийг сонсох дуртай.
• Та дуугаралт, темп, хэмнэл, аялгуу, дууны өнгөө өөрчлөхөд тэд таныг үнэлдэг.
• Тэд асуудлуудыг ярих дуртай.
• Тэднийг санаа алдвал та тэднийг өөрсөдтэйгөө ярьж байгаа гэдэг итгэлтэй байж болно.
• Тэд ихэвчлэн бичиг цаасны ажилд дургүй байдаг.
• Тэд зүйрлэлд дуртай.
• Тэд их хэмжээний яриа өрнүүлсэн уулзалтуудад дуртай байдаг.

Аливаа зүйлийг биеэр хийж сурдаг хүмүүсийн шинж чанарууд:

Энэ төрлийн хүмүүс хүн амын 25%-ийг эзэлдэг. Ерөнхийдөө:

• Тэд бол гайхалтай бизнесийн хүмүүс.
• Хоёр төрлийн ийм хүмүүс байдаг. Дотоод мэдрэмжтэй хүмүүс өөрсдийн туршлагыг дотоод мэдрэмжээрээ хэмждэг. Нөгөө төрлийн хүмүүс нь бүх зүйлд хүрч, гараараа мэдрэх хандлагатай байдаг.
• Тэд гүн гүнзгий, удаанаар амьсгалах хандлагатай байдаг ба таныг ярих үед маш тэвчээртэй, нийцтэй байдаг.
• Тэд бусдаас илүү удаан, намуухан дуугаар ярьдаг. Энэ бол тэдний хамгийн тод шинж чанаруудын нэг юм.
• Тэд бусдаас илүү бие бялдар сайтай.
• Мэдрэмж нь тэдний зан төлөвт ихээхэн нөлөөлдөг.
• Энэ төрлийн хүмүүстэй  амжилттай борлуулалт хийх магадлал нь таны бүтээгдэхүүн, үйлчилгээг мэдрэмжээр дүрслэх чадвараас шалтгаална.
• Энэ төрлийн хүмүүст олон дахин борлуулалт хийх боломжтой.